Մարտի 15-ին ՀՀ մարզերում տեղի ունեցած ՏԻՄ ընտրությունների ընթացքում նկատված ընտրախախտումների վերաբերյալ ԿԸՀ-ն վեց դիմում է ստացել՝ դիտորդական առաքելություն իրականացրած կազմակերպություններից: ՀՀ 32 համայնքներից 24-ում կայացել են համայնքի ղեկավարի, 2- ում՝ համայնքի ղեկավարի ու ավագանու անդամների, 6-ում՝ միայն ավագանու ընտրություններ: Ի սկզբանե՝ ընտրություններ պետք է անցկացվեին 33 համայնքում: ԿԸՀ անդամ Նունե Հովհաննիսյանի փոխնացմամբ՝ Կոտայքի մարզի Գետարգել համայնքի ընտրությունները համարվել են չկայացած,քանի որ օրենսդրության պահանջը չի կատարվել: Հետաքրքիր գրառումներով քվեաթերթիկներ նույնպես առանձնացվել են, ինչպես օրինակ, 21 ընտրատեղամասային հանձնաժողովում քվեարկած քաղաքացիներից մեկի գրությունը՝ «Քաղաքապետ, հավաքիր աղբը քո քաղաքից» : Դիտորդական առաքելություն իրականացրած դիտորդներն ու ոչ միայն Երևանում այսօր քննարկման են մասնակցել:
Բազմակի քվեարկության փորձ, այլ անձի փոխարեն քվեարկություն, տեղամասերում կուտակումներ, կողմնակի անձանց ներկայություն, ուղղորդումներ։ Մարտի 15-ին տեղի ունեցած ՏԻՄ ընտրություններում դիտորդական առաքելություն իրականցրած դիտորդները տեղամասերում դիտորդական առաքելություն իրականացնելիս հենց այս խախտումներն են արձանագրել:Մինչ ընտրությունները նրանք նաև նկատել են, որ մի շարք համայնքներում իրական մրցակցություն չի արձանագրվել:
Հիշեցնենք, 2015թ մարտի 15-ին ՀՀ 32 համայնքներում անցակցվեց ՏԻՄ ընտրություններ, 24-ում՝ համայնքի ղեկավարի, 2-ի միաժամանակ՝ համայնքի ղեկավարի ու ավագանու անդամների, 6-ում՝ միայն ավագանու ընտրություններ: Ի սկզբանե, ընտրություններ պետք է անցկացվեին 33 համայքնում: ԿԸՀ անդամ Նունե Հովհաննիսյանի փոխնացմամբ, Կոտայքի մարզի Գետարգել համայնքի ընտրությունները համարվել են չկայացած,քանի որ օրեսնդրւթյան համաձայն, պետք է գրանցվեր առնվազն երկու թեկնածու, ու քանի որ օրենքի պահանջը չի պահպանվել, ուստի ապրիլի 5-ին այստեղ նոր ընտրություններ են նշանակված:
«Իրավունքի Եվրոպա միավորում» ՀԿ անդամ Տիգրան Եգորյանի գնահատմամբ՝ ի տարբերություն ավանդական խախտումների՝ այս անգամ ՏԻՄ ընտրություններում նախևառաջ մասնակցությունը ցանկալիից ցածր է։ «Ընտրությունները ոչ մրցակցային էին, քանի որ բազմաթիվ համայնքներում մեկ թեկնածու էր առաջադրված, ինչը լուրջ և համազգային խնդիր է»:
«Խորան արդ» ինտելեկտուալ կենտրոն հասարակական կազմակերպության ներկայացուցիչ Արմեն Պետրոսյանի խոսքով, բնակիչների մեծ մասը տեղեկատվության պակաս ունի, հիմնականում չգիտեն ինչպես պետք է մասնակցել քվեարկությանը.որպես օրինակ նա նշեց, որ Դարանակ գյուղում ընտրողների 7 տոկոսը սխալ լրացված քվեաթերթիկ է ունեցել, իսկ 11 տոկոսը թույլ է տվել, որ իրենց օգնեն քվեարկության անցկացման հարցում:
Հիշեցնենք, որ ՏԻՄ ընտրությունների վերջնական արդյունքները կհրապարակվեն ընտրությունների անցկացումից հինգ օր հետո:
