Քաղաքական

Ադրբեջանը հրաժարվել է մասնակցել Եվրանեսթի ԽՎ երեւանյան նիստին

lusinevasilyan

Ադրբեջանը չի մասնակցում Երեւանում վաղը մեկնարկող Եվրանեսթի խորհրդարանական վեհաժողովի չորրորդ լիագումար նիստի աշխատանքներին։

ԱԺ արտաքին հարցերի մշտական հանձանժողովի նախագահ Արտակ Զաքարյանը «Ռադիոլուրին» ասել է, որ Ադրբեջանի չմասնակցելը այդ երկրի վերաբերմունքն է ոչ թե Հայաստանի, այլ Եվրանեսթի նկատմամբ:

« Ադրբեջանը որպես չմասնակցության պարզաբանում մի քանի պաշտոնական նամակ է ուղարկել Եվրանեսթի վեհաժողովի ղեկավարությանը, բյուրոյի անդամներին: Նշել են, որ իրենք չեն կարող մասնակցել, որովհետեև Եվրոպական պառլամենտը քննադատել է այդ երկրում քաղաքացիական հասարակության նկատմամբ ճնշումները, որովհետև կոնֆլիկտի առկայությունը թույլ չի տալիս մասնակցել և այլն:   Վստահ եմ՝  Ադրբեջանի քաղաքացիական հասարակության ներկայացուցիչներին ուղղակի թույլ չեն տվել գալ Հայաստան։ Իհարկե՝ ցանկալի կլիներ, որ գային: Կարծում եմ՝ սա Ադրբեջանի վերաբերմունքն է ոչ թե  Հայաստանի, այլ Եվրանեսթի նկատմամբ և Եվրոպական խորհրդարանը պետք է հետևություններ անի»,- ասել է Արտակ Զաքարյանը։

Իսկ մինչեւ լիագումար նիստը այսօր նախատեսված են Եվրանեսթի  4  մշտական հանձնաժողովների նիստերը , իսկ միջոցառումների մեկնարկը տրվել է  քաղաքացիական հասարակության ներկայացուցիչների հետ վեհաժողովի պատվիրակների համատեղ քննարկմամբ:

Հիմնական թեմաները  Արևելյան գործընկերության  ձեռքբերումներն ու մարտահրավերներն են, տարածաշրջանում ստեղծված  ռազամավարական նոր իրավիճակն ու Եվրոպական քաղաքականության վերանայման հարցը Ռիգայի գագաթնաժողովին ընդառաջ:

Քաղաքացիական ֆորումի ներկայացուցիչներն արձանագրել են Ադրբեջանի բացակայության փաստը՝ ընդգծելով, որ անկախ երկու երկրների միջև առկա խնդիրներից՝ Ադրբեջանի  քաղաքացիական հասարակության ներկայացուցիչները պետք է չբացառեն համատեղ քննարկման այս  հնարավորությունը:

«Հարցը քննարկվել է Եվրանեսթի բյուրոյում, Ադրբեջանին նամակ է ուղարկվել` վերանայելու Երևանում անցկացվելիք նիստին չմասնակցելու որոշումը, բայց  պատվիարկությունը չի մասնակցում», տեղեկացրել է ԱլԳ քաղաքացիական հասարակության ֆորումի ղեկավար կոմիտեի համանախագահը:

Back to top button