Միջազգային

Ռուսաստանում ապաստանած Սնոուդենը ցանկանում է հայրենիք վերադառնալ

ԱՄՆ հատուկ ծառայությունների նախկին աշխատակից Էդվարդ Սնոուդենը ցանկանում է հայրենիք վերադառանալ: «Նրա փաստաբաններն այդ նպատակավ անում են հնարավորը»,- հայտնել է Սնոուդենի շահերի ներկայացուցիչ Անատոլի Կուչերենան:

Փաստաբանն ընդգծել է, որ ամերիկյան հատուկ ծառայությունների նախկին աշխատակիցը Չինաստանից  Կուբա ուղևորվելիս Ռուսաստանում մնալու մտադրություն չի ունեցել։

Կուչերենան այսօր հանրությանն է ներկայացրել իր հեղինակած «Ծովահրեշի ժամանակը» գիրքը, որը նվիրված է Էդվարդ Սնոուդենին: Այն էկրանավորելու իրավունքն արդեն գնել է հոլիվության ռեժիսոր Օլվեր Սթոունը: Վերջինս մտադիր է նկարահանումներն իրականացնել այս տարի:

Հիշեցնենք՝  2013 թվականին Սնոուդենը գաղտնազերծել է ամերիկյան հատուկ ծառայությունների մի շարք փաստաթղթեր, ինչից հետո Ռուսաստանը նրան քաղաքական ապաստան է տրամադրել:

Back to top button