Նկարիչ Հաղթանակ Շահումյանը և Կոմպոզիտորների և երաժշտագետների միության նախագահ Արամ Սաթյանն այսօր հերթական անգամ հիմնավորել են ՀՀ խորհրդանիշերը փոխելու իրենց տեսակետը։
Ըստ Արամ Սաթյանի՝ 1918 թվականի Առաջին հանրապետության կայացման ժամանակ այդ խորհրդանիշերը ընտրվել էին մեկ տարով և հետագայում պետք է փոխվեին: «Պետք է կամք ունենանք, որպեսզի օրհներգը փոխենք՝ խոսելով երաժշտական լեզվով»,- ասել է կոմպոզիտորը՝ որպես տարբերակ նշելով Գաբրիել Երանյանի «Հայաստան» երգը կամ էլ Արամ Խաչատրյանի ձոներգը։
«Մեր զինանշանն էլ օտարական է, ռուսականին նմանեցված: Մենք պետք է այնպես ներկայանանք, որ մեր դրոշը տեսնողը երբեք չմոռանա>,- իր հերթին ընդգծել է գեղանկարիչ Հաղթանակ Շահումյանը։
