ՌԴ արտգործնախարար Սերգեյ Լավրովը հունվարի 2-ին հեռախոսազրույց է ունեցել ՀՀ արտգործնախարար Էդվարդ Նալբանդյանի հետ եւ շնորհավորել նրան պաշտոնապես Եվրասիական տնտեսական միությանն անդամակցելու համար: Այս մասին տեղեկացնում է ria.ru-ն:
«Զրույցի ընթացքում կողմերը քննարկել են ինտեգրմանն ու երկկողմ հարաբերություններին առնչվող մի շարք հարցեր»,-հաղորդել են ՌԴ ԱԳ նախարարությունից:
Հիշեցնենք, որ Հայաստանը ԵՏՄ անդամակցության համաձայնագիրը ստորագրել էր 2014 թ. հոկտեմբերին, իսկ այսօր՝ հունվարի 2-ին, Հայաստանը պաշտոնապես դարձավ Միության անդամ:
