Լուսինե Ավանեսյան
«Ռադիոլուր»-Ստեփանակերտ
2015 թվականին Արցախում խորհրդարանական ընտրություներ են սպասվում: Կենտրոնական ընտրական հանձնաժողովի նախագահ Սրբուհի Արզումանյանը լրագրողների հետ հանդիպմանը նշել է դրանց մոտավոր ժամկետը՝ մայիսի առաջին տասնօրյակը: Առաջիկա ընտրությունները Արցախի քաղաքական կյանքում և օրենսդրի կազմում որոշակի փոփոխություններ են բերելու: 2015 թվականից խորհրդարանն անցնելու է մշտական հիմունքներով աշխատանքի, իսկ կուսակցություններն էլ համամասնականով ավելի շատ մանդատ ստանալու հնարավորւոթյուն կունենան:
Արցախի խորհրդարանն այսօր 33 պատգամավոր ունի: Նրանցից 17-ը ընտրվել է համամասնական ընտրակարգով, 16-ը՝ մեծամասնականով: Պատգամավորների մի մասը՝ խորհրդարանի նախագահը, փոխնախագահը, հանձնաժողովների ղեկավարներն ու տեղակալները մշտական հիմունքներով են աշխատում, մնացածը կիսամշտական: Մայիսյան ընտրություններից հետո բոլոր 33 պատգամավորներն էլ մշտական հիմնունքներով են աշխատելու:Աժ-ում այսօր ներկայացված քաաղքական երեք ուժերն էլ այս հեռանկարը ողջունում են՝գտնելով որ պրոֆեսիոնալ խորհրդարանը վաղուց անհրաժեշտություն է, բայց ահա մանդատների բաշխշման համամասնությունների հարցում խորհդրանական ուժերը տարակարծություններ ունեն:
Նոր ընտրական օրենսգրքի խորհրդարանական քննարկումների ժամանակ Հայ հեղափոխական դաշնակցությունն առաջարկեց հարյուրտոկոսյա համամասնական ընտրակարգով ձևավորել նոր խորհրդարանը, ինչին խորհրդարնական մեծամասնություն կազմող Ազատ հայրենիք և Արցախի ժողովրդավարական կուսակցությունները չհամաձայնեցին: Իրենց առաջարկի չընդունվելը ըստ Դաշնակցություն խմբակցության ղեկավար Արմեն Սարգսյանի քաղաքական զարգացումները Արցախում ուշացրեց ևս հինգ տարով:
Նոր օրենսգրքով համամասնականով կընտրվեն 22, իսկ մեծամասնականով 11 պատգամավորներ: Բացի դրանից փոխվել է նաև Խորհրդարան մտնելու նվազագույն շեմը՝ կուսակցությունների համար սահմանվել է՝ 5, կուսակցությունների դաշինքի համար՝ 7 տոկոս՝ գործող 6-ի եւ 8-ի փոխարեն։ Փոփոխություն է մտցվել նաեւ համամասնական ընտրակարգով առաջադրվող կուսակցական ցուցակներում սեռերի հարաբերակցության մասով. նոր օրենսգրքով սկսած երկորդ համարից յուրաքանչյուր հնգյակում սեռերի հարաբերակցությունը պետք է լինի 80/20։ Այսօր Արցախի խորհրդարանը չորս կին պատգամավոր ունի: Նրանք բոլորն էլ ընդգրկված ե եղել կուսակցական ցուցակներում:
