Դեմքի հստակ ցուցադրմամբ Թուրքիայի նախկին կոշտ ժխտողականությունն էր նախընտրելի, թե «Փոփոխվող Թուրքիայի» կերպարի ձևավորման համատեքստում բեմադրված իմիտացիոն ժանրի տհաճ ներկայացումը: Թուրքագետ Գևորգ Պետրոսյանի կարծիքով մեզ համար այնքան էլ էական չէ: Կարևորագույնն այն է, որ Հայաստանը կարողանա արդյունավետ օգտագերծել այս մարտավարություններից յուրաքանչյուրը:
Գաղտնիք չէ, որ հայոց ցեղասպանության 100-ամյակին մեզանից ոչ պակաս ակտիվությամբ նախապատրաստվում է նաև Թուրքիան: Դիավանագիտական, տեղեկատվական քարոզչական ամենատարբեր մակարդակներով ու մեթոդներով այս երկիրը փորձում է աշխարհին համոզել , թե փոխվել է: թուրքագետ Գևորգ Պետրոսյանը «Փոփոխվող Թուրքիայի» կերպարի ձևավորման համատեքստում է դիտարկում և Էրդողանի ապրիլմեկյան ուղերցը, և դավութօղլուի այցը Երևան, և թուրքական «Փոստա»,-ում տպագրված Շառլ Ազնավուրի հրացազրույցը, որը շանսոնյեն ավելի ուշ հերքեց, և թուրք որոշ մտավորականների թվացյալ հայամետ պահվածքը և այն: Թուրքագետի համոզմամբ հարևան երկրի լայնամաշտաբ ներկայացումն ավարտված չէ և անակնկալներ դեռ կլինեն:
2014-ի մայիսին թուրքահայ հայտնի գրող, քաղաքական մեկնաբան , «Ակոսի» նախկին խմբագրապետ Էթյեն Մահչուպյանը նշանակվեց Թուրքիայի վարչապետ Ահմեդ Դավութօղլուի խորհրդականի պաշտոնում: Գևորգ Պետրոսյանն այս նշանակումը ևս դիտարկում է «Փոփոխվող Թուրքիայի» կերպարի ձևավորման համատեքստում: Հայ գործչին նման բարձր պաշտոն վստահելը անմիջապես գրավեց իջազգային հանրության ուշադրությունը, ինչը և ակնկալում էր Թուրքիան:
Արդյոք միջազգային հանրությունը կուլ է տալիս թուրքական խայծը՝ հավատալով փոփոխվող Թուրքիայի պատրանքին, թե սեփական շահերից ելնելով ձևացնում է թե հավատում է: Ըստ թուրքագետի՝ առկա է և մեկը, և մյուսը:
Դեմքի հստակ ցուցադրմամբ Թուրքիայի նախկին կոշտ ժխտողականությունն էր նախընտրելի, թե իմիտացիոն ժանրի այս տհաճ ներկայացումը: Ըստ Գևորգ Պետրոսյանի՝ մեզ համար այնքան էլ էական չէ: Կարևորագույնն այն է, որ Հայաստանը կարողանա արդյունավետ օգտագերծել այս մարտավարություններից յուրաքանչյուրը: Հայաստանի գերխնդիրն, ըստ թուրքագետի, ցեղասպանության հարցը միջազգային իրավական հարթակ տեղափոխելն է:
