Քաղաքական

Թուրքիան փորձում է տապալել 100-ամյա տարելիցի միջոցառումները.Հայկ Դեմոյան

aidaavetisyan

Թուրքիան չի դադարի իր սադրիչ գործողությունները, հատկապես 100-ամյա տարելիցի նախաշեմին, փաստում է Հայոց ցեղասպանության թանգարան-ինստիտուտի տնօրեն Հայկ Դեմոյանը:  Ըստ նրա՝ արդեն տեսանելի են Թուրիքայի և Թուրքիային սատարող ուժերի կողմից 2015-ին հայկական կողմից նախապատրաստվող միջոցառումներն ու քայլերը տապալելու գործընթացները: Դեմոյանը շեշտում երկու ուղղություն:

«Դրսում ՀՀ հաստատությունների կամ սփյուռքի  կողմից միջոցառումների չեզոքացման փորձ կամ դրանց ազդեցության նվազեցման փորձ և երկրորդ քաղաքակրթությունը, որն իրականացվում է, պայմանականորեն  մենք կոչում ենք ներթափանցման փորձ, ներթափանցումը ՀՀ տարածքում և սփյուռքում  զուգահեռ միջոցառումների կազմակերպումն է թուրք պատմաբանների, թուրք ազդեցիկ անձանց կողմից»:

Դեմոյանը Հայաստանի կողմից կազմակերպվող միջոցառումներին Թուրքիայի ներթափանցման մեկ օրինակ ևս նշեց, երբ հայոց ցեղասպանության կազմակերպիչներից ՝ Ջեմալ փաշայի թոռը ՝ Հասան Ջեմալը,  մինչ գրքի երևանյան շնորհանդեսը ամիսներ առաջ  Փարիզի հայկական համայնքի որոշ շրջանակների աջակցությամբ Ֆրանսիայում   կազմակերպում է գրքի շնորհանդես և դա այն դեպքում, երբ նույն օրը, նույն ժամին արդեն ամիսներ առաջ  Փարիզի հայկական համայնքի ներկայացուցիչների հետ պայմանավորվածություն է ձեռք բերել ինքը՝ Դեմոյանը՝ ներկայացնելու  իր հեղինակած «Հայոց ցեղասպանության լուսաբանումը համաշխարհային  մամուլի առաջին էջերին» գիրքը:  Հիշեցնենք, որ Հասան Ջեմալը Երևանում նույնպես կազմակերպել էր «1915 թվականի Հայոց ցեղասպությունը» գրքի շնորհանդեսը, որն էլ մամուլում քննադատությունների առիթ էր դարձել:

«Այդ խափանարարական աշխատանքներին, ցավոք սրտի տուրք են տալիս որոշ սփյուռքյան շրջանակներ: Սա լուրջ մտահոգության տեղիք է տալիս»:

Դեմոյանը շեշտում է, որ 100-ամյակի նախաշեմին նման ներթափանցման փորձեր Թուրքիայի կողմից շարունակաբար են լինելու: Այս առումով մեծ անելիքներ ունեն նաև սփյուռքի մեր հայրենակիցները: Դեմոյանը կոչ է անում զգույշ լինել ու զերծ մնալ թուրքական ծուղակներից:

Back to top button