Հասարակություն

Այս տարի Ամանորի տոնական միջոցառումների համար կծախսվի 48 միլիոն դրամ

aidaavetisyan
Մի քանի օրից հրաժեշտ կտանք 2014 թվականին և կդիմավորենք հերթական տարեմուտը: Երևանի քաղաքապետարանը, ինչպես յուրաքանչյուր տարի երևանցիների և հյուրերի համար կազմակերպել է ամորյա տոնական միջոցառումներ, որոնք կմեկնարեկն դեկտեմբերի 22-ին և կավարտվեն հունվարի 13-ին:

 

Ինչպես նախորդ տարիներին, այս տարի էլ մայրաքաղաքի գլխավոր տոնածառի լուսավառությունը կկայանա դեկտեմբերի 22-ին՝ ժամը 19.00-ին, որն էլ կուղեկցվի տոնական համերգով:  Այնուհետև տարեմուտի միջոցառումների մեկնարկը կազդարարվի Երևանի 12 վարչական շրջաններում: Իսկ դեկտեմբերի 23-ին մեծ հանդիսավորությամբ կբացվի Կարապի լճի  սահադաշտը: Դեկտեմբերի 25-ին էլ քաղաքապետարանում տեղի կունենա քաղաքապետի ամանորյա ընդունելությունը, որի ընթացքում կպարգևատրվեն 2014 թվականին ձեռքբերումներ արձանագրած տարբեր ոլորտների ներկայացուցիչներ: Իսկ դեկտեմբերի 31-ին՝ կեսգիշերին,  Հանրապետության հրապարակում տեղի կունենա տարեմուտի համերգը:

Տեղեկացնենք  մեր ազգաբնակչությանը, որ մետրոպոլիտենը կաշխատի դեկտեմբերի 31-ից մինչև  հունվարի 1-ը՝ երեկոյան ժամը երկուսը:

Իսկ փոքրիկների համար նախատեսված համերգային ծրագիրը կմեկնարկի հունվարի 5-ին՝ ժամը 15.00-ին, Հանրապետության հրապարակում, որտեղ հայտնի երգիչ երգչուհիների կատարմամբ կհնչեն մանկական երգեր: Այս տարի ևս քաղաքապետարանը համագործակցում է մասնավոր հատվածի՝ խանութների և այլ կազմակրեպությունների  հետ, որոնց համար հայտարարված է մրցույթ՝ «Ամենագեղեցիկ ամանորյա ձևավորում» անվանակարգում:

Այս տարի քաղաքապետարանը շուրջ 24 հազար 300 անապահով ընտանիքների կտրամադրի  պարենային փաթեթներ, իսկ 38 հազար 500 քաղցրավենիքի փաթեթներ կտրամադրվեն մանկապարտեզների և մանկատների փոքրիկներին: Ամանորյա միջոցառումների համար քաղաքային բյուջեից հատկացվել է շուրջ  48 միլիոն դրամ:

 

 

 

Back to top button