Մշակույթ

Երևանում է լեհ ջազ դաշնակահար և երգահան Լեշեկ Մոժջերը

alisagevorgyan

Երևանում է  լեհ  ջազ դաշնակահար և  երգահան  Լեշեկ  Մոժջերը: Նա այսօր մենահամերգով հանդես կգա Արամ Խաչատրյան  համերգասրահում: Համերգը կայանում է  Սոպոտի քաղաքապետի, Սոպոտի արվեստի պետական   պատկերասրահի, ՀՀ-ում  Լեհաստանի հանրապետության դեսպանության և ՀՀ մշակույթի նախարարության աջակցությամբ: Համերգին այսօր նախորդել է Լեշեկ Մոժջերի համդիպումը լրագրողների հետ:

 

Լեշեկ Մոժջեր. Անուն, որն աշխահին հայտնի է որպես վիրտուոզ  ջազ դաշնակահար և  երգահան: Նվագում է հինգ տարեկանից ու, ինչպես ասում է, այդ գործողությունն անում է ամեն օր: Ամեն օր փորձում եմ կատարելագործել ներքինս, զարգացնել ունակություններս, որպեսզի կարողանամ կիսվել  հանդիսատեսի հետ արդեն բեմում: Եթե մարդիկ շարունակում են տոմսեր գնել ու այցելել իմ համերգներին, ուրեմն ինչ որ բան վերցնում են,-ասում է լեհ երաժիշտը, ում համար, այդուհանդերձ,  շարունակում է առեղծված մնալ երաժշտության մոգական աշխարհը:

Լեշեկ Մոժջերը  հայտնի է դասական ստեղծագործությունները ջազային մեկնաբանությամբ հմտրորեն մատուցելու իր տաղանդով: Երևանյան հանդիսատեսն այսօր հնարավորություն կունենա ունկնդրել  Շոպենի,  Բախի, Պրոկոֆևի,  Կոմեդայի   որոշ ստեղծագործությունների  ջազային մեկնաբանություններ, ինչպես նաև հեղինակային  գործեր:  Սա Մոժջերի առաջին  հյուրախաղային այցն է Հայաստան: Ուրախ է լինել Արամ Խաչատուրյանի և Տիգրան Համասյանի հայրենիքում:

«Իմ ընկերն է Տիգրան Համասյանը, ում հետ առիթ եմ ունեցել նվագել: Շատ եմ սիրում նրա արվեստը: Տիգրանը հրաշալի երաժիշտ է: Ուրախությամբ  և գոհունակությամբ  ընդունեցի Հյաստան գալու հրավերը նաև այն պատճառով, որ այստեղ երբևէ չեմ եղել»:

 

Back to top button