Արարատի մարզում և Արտաշատ համայնքում նոր փուլ է սկսվում հանրային տրանսպորտի կազմակերպման մեջ․ մարզ է ժամանել միասնական տրանսպորտային համակարգի առաջին խմբաքանակը, հայտնում են Արտաշատի համայնքապետարանից։
Նոր ավտոբուսների աշխատանքին ծանոթացել են ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը, Արարատի մարզպետ Սեդրակ Թևոնյանը և Արտաշատ համայնքի ղեկավար Կառլեն Մկրտչյանը։
Մինչև օգոստոսի 10-ը նախատեսվում է նաև մնացած տրանսպորտային միջոցների մատակարարումն ու միասնական երթուղային ցանցի գործարկումը:
