Քոչարի ժառանգությունը՝ Գաֆեսճյանում (լրացված)

լրացվել է ժամը 19։44- ին

Աիդա Ավետիսյան
«Ռադիոլուր»

Նախագահ Սերժ Սարգսյանն այսօր այցելել է Գաֆէսճեան արվեստի կենտրոն՝ դիտել Երվանդ Քոչարի 115-ամյա հոբելյանին նվիրված «Քոչար. մարտահրավեր Ժամանակին» ցուցահանդեսը: Այն կազմակերպվել է Գաֆէսճեան արվեստի կենտրոնի միջթանգարանային համագործակցության ծրագրի շրջանակներում՝ Երվանդ Քոչարի թանգարանի հետ համատեղ: Ցուցահանդեսում ներկայացված է արվեստագետի ստեղծագործությունների ընտրանին՝ գլուխգործոցներ Քոչարի փարիզյան և երևանյան շրջաններից. գեղանկար, քանդակ, գրաֆիկական աշխատանքներ և տարածանկարներ: Ցուցադրությունն ընդգրկում է երեսուն աշխատանք Երվանդ Քոչարի թանգարանից և մասնավոր հավաքածուներից:

19 23 թվականից ապրելով և ստեղծագործելով Ֆրանսիայում՝ 1936- ին Երվանդ Քոչարը հարազատներին տեսնելու նպատակով ժամանում է Հայաստան չպատկերացնելով, որ այստեղ անձնագրում դաջվելու է մեկընդմիշտ հայրենիքը չլքելու կնիքը: Սակայն խորհդային երկրում էլ արվեստագետը հավատարիմ է մնում իր ստեղծագործական մոտեցումներին եւ դրան զուգահեռ նպատակ հետապնդում հայրենիքում երիտասարդության շրջանում տարածել ավանգարդ մտածողությունը, գեղագիտական նոր սկզբունքները:

Անհայտ է, թե ինչքան ստեղծագործություններ  են մնացել Փարիզում, սակայն ամեն անգամ մի նոր ստեղծագործություն  հայտնաբերվում է:  Գեղանկար, քանդակ, գրաֆիկական  ստեղծագործություններ և տարածականկարներ. այս ոճերում է կազմակերպվել Հայ մեծանուն արվեստագետ Երվանդ Քոչարի 115-ամյա հոբելյանին նվիրված «Քոչար մատահրավեր ժամանակին» ցուցահանդեսը, որը Գաֆեսճյան արվեստի կենտրոնը միջթանգարանային համագործակցության շրջանակներում  կազմակերպել էր Երվանդ Քոչարի թանգարանի հետ համատեղ։

Ցուցահանդեսում ներկայացված են թե՛ Քոչարի թանգարանից և թե՛ մասնավոր հավաքածուներից 30 գլուխգործոց, որոնք ներկայացնում են փարիզյան և երևանյան շրջաններից աշխատանքներ։

Երվանդ Քոչարի ստեղծագործական ձեռքբերումներից է փարիզյան  շրջանում ստեղծած նրա տարածական նկարչությունը, որն էլ   արդի արվեստի մեծանուն նկարիչները  դասել են ավանգարդ  արվեստն արարողների շարքում, ասում է Քոչարի թանգարանի տնօրեն Լալա Քոչարը:  Այս ցուցահանդեսին ներկայացվել էր նաև 1912 թվականին «Արտ Մոնակո էքսպո» ցուցահանդեսում գլխավոր մրցանակի արժանացած «Առաջին մեղսագործությունը»։

Լալան Քոչարի խոսքով՝ նման մրցանակի արժանանալը նշանակալի է, քանի որ այն  տրվում է արվեստում մեծ ուղի անցած ստեղծագործություններին և որոնք մեծ  ազդեցություն են թողնում կերպարվեստի զարգացման վրա։ Նշենք, որ դրան նախորդող տարիներին նույն մրցանակին  է արժանացել նաև Պիկասոյի ստեղծագործությունները։

Այսօր երեկոյան ցուցահանդեսը դիտելու է նաև ՀՀ նախագահ Սերժ Սարգսյանը: Նշենք՝ ցուցահանդեսին կից միջին և ավագ դպրոցի աշակերտների համար կազմակերպվել է  նաև «Քաղաքն իմ մեջ» կրթական ծրագիրը, որն էլ հնարավորություն է ընձեռել ավելի քան 400 դպրոցականի ծանոթանալ  Քոչարի կյանքին ու ստեղծագործական գործունեությանը։