ԵԱՀԿ Մինսկի խմբի համանախագահ երկների արտգործնախարարներն այսօր համատեղ հայտարարություն են ընդունել ղարաբաղյան հակամարտության կարգավորման վերաբերյալ: «Համապարփակ խաղաղ համաձայնագրի կնքման բանակցությունները պետք է սկսվեն հնարավորինս շուտ», նշված է Միացյալ նահանգների, Ռուսաստանի և Ֆրանսիայի արտգործնախարարների համատեղ հայտարարության մեջ, որն ընդունվել է Բազելում ընթացող ԵԱՀԿ արտգործնախարարների խորհրդի նիստի ընթացքում:
«Նախագահների մակարդակով 2014 թվականին տեղի ունեցած երեք հանդիպումները վերածնեցին հակամարտող կողմերի միջև շփման գլխավոր ուղին: Մենք ողջունում ենք Փարիզում կայացած հանդիպման ընթացքում ձեռք բերված պայմանավորվածությունը հաջորդ տարի երկխոսությունն ինտենսիվ դարձնելու մասին: Եկել է տարաձայնությունները հաղթահարելու, վստահությունը վերականգնելու, ստանձնած պարտավորությունները կատարելու և հակամարտության կարգավորմանը նպաստող բանակցություններ սկսելու ժամանակը»,- նշված է Մինսկի խմբի համանախագահող երկների արտգործնախարարների հայտարարության մեջ:
Դիվանագետներն ընդծել են, որ կողմերից ակնկալում են ճանաչում, որ համապարփակ համաձայնության համար հիմք են ծառայում այն սկզբուները, որոնք շարադրված են Ռուսաստանի, Միացյալ նահանգների և Ֆրանսիայի համատեղ հայտարարության մեջ, մասնավորապես Փարիզի գագաթաժողովի ընթացքում քննարկվածները:
Համանախագահ երկները վերահաստատել են նաև կողմերի հետ սերտ համագործակցելու պատաստակամությունը՝ կայուն կարգավորման հասնելու և նոր՝ խաղաղ էջ բացելու նպատակով:Հայտարարության մեւ նաև նշվում է, որ նոյեմբերի 12-ին հայ-ադրբեջանական շփման գծում հայկական ուղղաթիռ է խոցվել: «Ողբերգությունից կարելի էր խուսափել», նշել են
Մինսկի խմբի համանախագահ երկների արտգործնախարարները այսօր տարածած համատեղ հայտարարության մեջ:
