Ի հիշատակ Հայոց ցեղասպանության զոհերի՝ Մարսելի Palais du Pharo-ն ապրիլի 22-ին լուսավորվել է Հայաստանի պետական դրոշի գույներով։
Palais du Pharo-ն քաղաքի ամենանշանավոր պատմական շինություններից է, որը նայում է Հին նավահանգստին:
Միջոցառումն իրականացվել է Մարսելի քաղաքապետ Բենուա Պայանի և տեղական իշխանությունների աջակցությամբ:
Մարսելում այսօր նախատեսված է նաև Հայոց ցեղասպանության 111-րդ տարելիցին նվիրված ջահերով երթ։
Ցեղասպանությունից հետո հայ գաղթականների մի մասը ապաստան էր գտել Մարսելում։ Այսօր քաղաքն ունի Ֆրանսիայի ամենամեծ և ամենաազդեցիկ հայկական համայնքներից մեկը։
