Հաղորդավարներ՝ Տիգրան Հարությունյան և Սևակ Հակոբյան Հյուր. Արմինե Հարությունյան` անիմացիոն ֆիլմերի «Արտ-Ստեպ» ստուդիայի ղեկավար, պրոդյուսեր։ Առաջին հատվածում կխոսենք Հայ կինոյի օրվա մասին։
Ապրիլի 16-ը խորհրդանշական օր է հայ մշակույթի համար։ Ավելի քան մեկ դար ազգային կինոն արտացոլում է մեր ժողովրդի պատմությունը, հոգևոր արժեքներն ու մարդկային ճակատագրերը՝ դառնալով գեղարվեստական հիշողություն և ստեղծելով մեծ անուններ ու անմոռանալի պատմություններ։
Երկրորդ հատվածում կներկայացնենք Ոստիկանության օրը։ Հայաստանում այն նշվում է ամեն տարի ապրիլի 16-ին։ Մասնագիտական այս տոնը հաստատվել է 2001 թվականին «Ոստիկանության մասին» օրենքի ընդունմամբ՝ արժևորելով իրավապահների պատասխանատու ծառայությունն ու նվիրվածությունը։
Ինչպես միշտ, եթերում կլինի օրվա տեղեկատվական բլոկը՝
- Օրվա լրահոս,
- Եղանակի կանխատեսում,
- Քաղաքի խցանումների վիճակ,
- Տարադրամի փոխարժեքներ,
- Զվարթնոց օդանավակայանի թռիչքների ժամանակացույց,
- Լավագույն երաժշտական ընտրանի,
- Անմիջական կապ ռադիոլսողների հետ:
