Հունգարիայի ընտրություններում առաջատար է ընդդիմադիր կուսակցությունը

Ընդդիմության առաջնորդ Պետեր Մագյարի «Տիզա» կուսակցությունն առաջատար է Հունգարիայի խորհրդարանական ընտրություններում՝ ձայների 60.24%-ի հաշվարկից հետո, ըստ Ազգային ընտրական բյուրոյի (NVI) կայքում կիրակի՝ ապրիլի 12-ի երեկոյան հրապարակված տվյալների։

Այս տեղեկատվության համաձայն՝ «Տիզա»-ն ստացել է 136 տեղ խորհրդարանում, մինչդեռ գործող վարչապետ Վիկտոր Օրբանի «Ֆիդես» կուսակցությունը և նրա դաշնակից Քրիստոնեա-դեմոկրատական ​​ժողովրդական կուսակցությունն ունի 56 տեղ։

Աջ ծայրահեղ «Մեր հայրենիք» շարժումը, նախնական կանխատեսումներով, կստանա ևս յոթ տեղ։ Այսպիսով, «Տիզա»-ն ներկայումս զբաղեցնում է խորհրդարանի տեղերի երկու երրորդից ավելին, ինչը նշանակում է, որ այն ունի սահմանադրական մեծամասնություն։

Օրբանը շնորհավորել է ինձ հաղթանակի կապակցությամբ․ Մագյար

Ընդդիմադիր «Տիզա»-ի առաջնորդ Մագյարը հայտարարել է, որ Օրբանն արդեն շնորհավորել է իրեն հաղթանակի կապակցությամբ։ «Վարչապետ Վիկտոր Օրբանը հենց նոր զանգահարեց մեզ՝ շնորհավորելու մեր հաղթանակի կապակցությամբ», — գրել է քաղաքական գործիչը X-ի իր էջում։