Փաշինյան-Ալիև հերթական հանդիպումը․ ո՞ւր են տանում զարգացումները․ «Խաչմերուկ»

Անցած շաբաթ Հայաստանի շուրջ զարգացումների շարքում առանցքայինն, անշուշտ, Աբու Դաբիում կայացած վարչապետ Փաշինյանի ու նախագահ Ալիևի հանդիպումն էր։

Այդ հանդիպումները, փաստորեն, այլևս կանոնավոր բնույթի են։ Այն, ինչ հայտնի է հրապարակավ ու պարունակում է կոնկրետություն հետևյալն է՝ կողմերը գլխավորապես քննարկում են առևտրա-տնտեսական հարաբերություններին վերաբերող հարցեր։

Սա ուշագրավ է այն առումով, որ հարց է առաջանում՝ արդյո՞ք անվտանգության հարցերի շուրջ այլևս առկա է պայմանավորվածություն, օրինակ՝ սահմանազատման հարցի, թե՞ այն կետերը, որոնց շուրջ Երևանն ու Բաքուն տակավին չեն կարողանում փոխհամաձայնության հասնել, մի կողմ են դրվել։