Նախագահ Սերժ Սարգսյանն այսօր շնորհավորական ուղերձ է հղել ՀՀ ԳԱԱ ակադեմիկոս Սերգեյ Սարինյանին՝ ծննդյան 90-ամյա հոբելյանի առթիվ: Նախագահը նշել է, որ «մեծ է ակադեմիկոսի ավանդը հայ գրականագիտության և գրական քննադատության զարգացման գործում»:«Ձեր գիտական ուսումնասիրություններն ու հոդվածները հատկապես հայ նորագույն գրականության ուսումնասիրման ասպարեզում նշանակալի են և մեր գրական գործընթացի մասն են կազմում»,-ասված է ՀՀ Նախագահի շնորհավորական ուղերձում ԳԱԱ ակադեմիկոս Սերգեյ Սարինյանի ծննդյան 90-ամյա հոբելյանի առթիվ:
