Լուիզիանայի նահանգապետ Ջեֆ Լենդրին, որը ԱՄՆ նախագահ Դոնալդ Թրամփի կողմից նշանակվել է Գրենլանդիայի հարցերով հատուկ բանագնաց, հայտարարել է, որ Դանիան Երկրորդ համաշխարհային պատերազմից հետո վերաօկուպացրել է Գրենլանդիան՝ խախտելով ՄԱԿ-ի նորմերը։
«Պատմությունը կարևոր է։ ԱՄՆ-ն պաշտպանել է Գրենլանդիայի ինքնիշխանությունը Երկրորդ համաշխարհային պատերազմի ժամանակ, մինչդեռ Դանիան չէր կարողանում դա անել։ Պատերազմից հետո Դանիան վերաօկուպացրել է այն՝ շրջանցելով և անտեսելով ՄԱԿ-ի արձանագրությունը», — գրել է Լենդրին X-ում։
History matters. The U.S. defended Greenland’s sovereignty during WWII when Denmark couldn’t. After the war, Denmark re-occupied it—side stepping and ignoring UN protocol.
— Governor Jeff Landry (@LAGovJeffLandry) January 11, 2026
This should be about hospitality, not hostility. @realDonaldTrump https://t.co/2MnIZGQjMU
Նա նշել է, որ Գրենլանդիայի պարագայում ԱՄՆ-ի նկատմամբ պետք է խոսքը գնա «հյուրընկալության, այլ ոչ թե թշնամանքի» մասին։
Դոնալդ Թրամփը բազմիցս հայտարարել է Գրենլանդիան Միացյալ Նահանգներին միացնելու իր ծրագրերի մասին՝ «ազգային անվտանգության նկատառումներից ելնելով»։ Դանիայի իշխանություններն անընդունելի են համարում Դանիայի և Գրենլանդիայի միջև հարաբերություններին արտաքին միջամտության ցանկացած փորձ։
