Տավուշում կան ջերմահարված ծառեր, այրվել է հիմնականում խոտածածկ տարածքը․ ՆԳՆ խոսնակ

Տավուշի մարզի Դիլիջանի «Կազաչի» հատվածում բռնկված հրդեհը մեկուսացվել է, մյուս հատվածներում՝ Նավուր բնակավայրի մոտակայքում, Դիլիջանի ոլորաններին հարակից անտառում և «Լեռնային Հայաստան» առողջարանի  մոտակայքում, աշխատանքները շարունակվում են։

Մամուլում շրջանառվող տեղեկությունը , թե  հրդեհը հասել  է  առողջարանի տարածք, չի համապատասխանում իրականությանը։ ՆԳՆ-ն հորդորում է հետևել պաշտոնական լրահոսին,  նաև՝ հրդեհային անվտանգության կանոններին։