Ամերիկյան պատվիրակությունը Կիեւում քննարկում է խաղաղության ամերիկյան ծրագիրը

Ամերիկացի զինվորականների պատվիրակությունը ժամանել է Կիեւ՝ Ուկրաինայում պատերազմը դադարեցնելու ծրագիրը քննարկելու համար։ Ամերիկյան լրատվամիջոցները հայտնում են, որ ծրագիրն արժանացել է նախագահ Թրամփի հավանությանը։

Այսօր Թուրքիա այցից հետո հայրենիք է վերադառնում նաեւ Ուկրաինայի նախագահ Վոլոդիմիր Զելեսնկին։

Կիեւում նրան սպասում է ԱՄՆ ցամաքային զորքերի նախարար Դեն Դրիսկոլի գլխավորած պատվիրակությունը, հայտնում է BBC-ին։

Այս ակտիվությունը տեղի է ունենում Ուկրաինան քաղաքական ճգնաժամի հասցրած կոռուպցիոն սկանդալի ֆոնին։

Տես նաեւ՝ Զելենսկին՝ Թուրքիայում, Դրիսկոլը՝ Ուկրաինայում․ ըստ ԶԼՄ-ների՝ պատերազմը դադարեցնելու նոր նախագիծ է քննարկվում