Թուրքական ինքնաթիռի կործանման հետևանքով 20 զինծառայող է զոհվել։
Նոյեմբերի 11-ին Ադրբեջանից ուղևորվող թուրքական C-130 ռազմական տրանսպորտային ինքնաթիռը վթարի է ենթարկվել վրաց-ադրբեջանական սահմանին։ Թուրքիայի պաշտպանության նախարարության տվյալներով՝ որոնողական-փրկարարական աշխատանքները սկսվել են Ադրբեջանի և Վրաստանի իշխանությունների հետ համակարգված։
Վրաստանի օդային նավիգացիայի ծառայության հայտարարության մեջ նշվում է, որ ինքնաթիռը չի ուղարկել աղետի ազդանշան և անհետացել է ռադարներից Վրաստանի օդային տարածք մտնելուց մի քանի րոպե անց։
Ինքնաթիռում եղել է 20 մարդ։
Թուրքիայի պետական «Անադոլու» գործակալության փոխանցմամբ՝ Վրաստանում վթարի ենթարկված ինքնաթիռում եղել է 20 մարդ, այդ թվում՝ անձնակազմը։ Վթարի հետևանքների կամ պատճառի մասին դեռևս տեղեկություններ չկան։
Թուրքիայի նախագահ Ռեջեփ Թայիփ Էրդողանը ընդհատել է իր ելույթը Անկարայում՝ վթարի ենթարկված ինքնաթիռի «նահատակների» հիշատակին հարգանքի տուրք մատուցելու համար։ Ադրբեջանի նախագահ Իլհամ Ալիևը և Վրաստանի արտաքին գործերի նախարար Մակա Բոչորիշվիլին նույնպես ցավակցություն են հայտնել։
