Երկուշաբթի առավոտյան Աֆղանստանի հյուսիսում՝ Մազարի Շարիֆ քաղաքի մոտ, տեղի ունեցած 6.3 մագնիտուդով ուժեղ երկրաշարժի հետևանքով զոհվել է առնվազն 10 մարդ, շուրջ 260-ը վիրավորվել են։
Reuters-ի փոխանցմամբ` տեղի իշխանությունները հայտնել են, որ զոհերի թիվը կարող է աճել։
ԱՄՆ երկրաբանական ծառայության տվյալներով՝ ցնցման էպիկենտրոնը գտնվել է Մազարի Շարիֆից մոտ 28 կիլոմետր հեռավորության վրա, 17.4 կմ խորության վրա։
Քաղաքում ապրում է ավելի քան կես միլիոն մարդ։
Սամանգան նահանգի առողջապահության վարչության խոսնակ Սամիմ Ջոյանդայի փոխանցմամբ՝ առավոտյան հաղորդվել է առնվազն 7 զոհի և շուրջ 150 վիրավորի մասին, որոնք տեղափոխվել են հիվանդանոցներ։
Իրականացվում են որոնողափրկարարական աշխատանքներ։
