Ուկրաինայի նախագահ Վոլոդիմիր Զելենսկին երեքշաբթի օրը լրագրողների հետ հանդիպման ժամանակ հայտարարել է ուկրաինական նոր «Ֆլամինգո» և «Ռուտա» հրթիռների կիրառության մասին, հայտնում է BBC-ին։
«Ֆլամինգոն» և «Ռուտան» կիրառվել են մարտական գործողություններում։ Մենք անում ենք ամեն ինչ, որպեսզի այս տարի կիրառվեն ոչ մեկ-երկու անգամ։ Մենք հավատում ենք, որ կհաջողենք։ Դրանց կիրառումը պլանավորում ենք մեծածավալ դարձնել», — հայտարարել է նա։
Ուկրաինայի նախագահը հայտարարել է, որ «հրթիռների բազմակի կիրառումն արդեն ցույց է տվել, որ դրանք կարող են գործուն արդյունքներ տալ»։
«Ֆլամինգոն» մինչև 3000 կիլոմետր հեռահարությամբ ծանր հրթիռ է։ Ավելի վաղ Զելենսկին այն անվանել էր Ուկրաինայի ամենահաջողված ժամանակակից մշակումը։
