Թրամփն ու Պուտինը չեն հանդիպի․ սպասվող կառուցողական երկխոսության փոխարեն՝ կոշտ պատժամիջոցներ Մոսկվայի դեմ

Միացյալ Նահանգների նախագահը չեղարկել է ռուս պաշտոնակցի հետ հանդիպումը, որի մասին անցյալ շաբաթ հենց ինքն էլ հայտարարել էր։ Սպիտակ տանն ընդունելով ՆԱՏՕ-ի գլխավոր քարտուղարին՝ Թրամփը հույս է հայտնել, որ «Ռոսնեֆտի», «Լուկոյլի» և վերջիններիս դուստր ձեռնարկությունների դեմ սահմանափակումների արդյունքում Պուտինը խոհեմություն կցուցաբերի և կավարտի պատերազմն Ուկրաինայում։

Երբ Թրամփը հայտարարում էր Պուտինի հետ հանդիպումը չեղարկելու մասին, Միացյալ Նահանգների ֆինանսների նախարարությունը հայտնեց ռուսական խոշորագույն նավթային ընկերությունների նկատմամբ պատժամիջոցներ սահմանելու մասին։