Երեքշաբթի երեկոյան Ֆիլիպինների կենտրոնական մասում տեղի ունեցած 6.9 մագնիտուդով երկրաշարժի զոհերի թիվը հասել է 72-ի, հայտնել է Քաղաքացիական պաշտպանության գործակալությունը։
Վիրավորվել է ևս 294 մարդ, հայտնել է գործակալությունը հինգշաբթի օրը հրապարակված հաղորդագրության մեջ։
Վերջին զոհերի թիվը չորեքշաբթի օրվա համեմատ աճել է երեքով, և բոլոր մահերը գրանցվել են կենտրոնական Վիսայաս շրջանում։
Երկրաշարժը տեղի է ունեցել Սեբու կենտրոնական կղզու մոտ՝ վնասելով էլեկտրահաղորդման գծերը, կամուրջները և մի քանի շենքեր, այդ թվում՝ ավելի քան 100-ամյա եկեղեցի։
2013 թվականին Բոհոլ կղզում գրանցված 7.2 մագնիտուդով երկրաշարժի հետևանքով զոհվել էր 222 մարդ։
Ֆիլիպինները խաղաղօվկիանոսյան «Կրակե օղակի» գոտում է, այստեղ ամեն տարի տեղի է ունենում ավելի քան 800 երկրաշարժ։
