Նորաստեղծ բիզնեսի համար կարևոր է իրավական տեսանկյունից ուշադրություն դարձնել այնպիսի հարցերի վրա, ինչպիսիք են՝
- կազմակերպաիրավական ձևը,
- ներքին փաստաթղթերի առկայությունը,
- առևտրային նշանը,
- արտոնագրի առկայությունը և այլն։
- Ինչքանո՞վ կարևոր են սրանցից յուրաքանչյուրի պահպանումը պրակտիկայում։
- Կարո՞ղ է քայլերի պահպանությունը նպաստել բիզնեսի հաջողությանը կամ հակառակը առաջացնել իրավական խնդիրներ։
- Անդրադառնանք առանձին-առանձին։ Ինչպե՞ս ընտրել բիզնեսի ճիշտ կազմակերպաիրավական ձևը։ Ո՞ր դեպքերում ՍՊԸ, ՓԲԸ, ԲԲԸ և ԱՁ։
- Կարևոր է նաև բիզնեսի անվանման ընտրությունը, որ չպարունակի արգելված բառեր, կամ մոլորեցնի սպառողին կամ եթե պարունակի «Հայաստան», «հայկական» և այլ բառեր, ապա օգտագործման համար անհրաժեշտ է ստանալ համապատասխան մարմինների հատուկ թույլտվություն։
- Ինչպե՞ս է ստուգվում առկա անվանումների ցանկը և ինչպե՞ս է ստացվում նշված դեպքերում թույլտվությունը։
- Ինչպիսի՞ն է հարկման համակարգը բիզնեսի համար և ո՞ր դեպքերում ու ի՞նչ ժամկետներում է ներկայացվում իրական շահառուների հայտարարագիրը։
- Ի՞նչ անհրաժեշտ ու լրակազմ ներքին իրավական փաստաթղթեր են անհրաժեշտ բիզնեսի համար․ պայմանագրեր, արձանագրություններ և այլն․ Ապրանքային նշանի գրանցումը թույլ է տալիս բացառիկ իրավունքով կիրառել այդ նշանը և արգելել վերջինիս օգտագործումը երրորդ անձանց կողմից։ Խնդրում եմ ներկայացրեք ինչպե՞ս գրանցել ապրանքային նշան և ի՞նչ պետական վճարումներ են անհրաժեշտ։
- Գործունեության որոշ տեսակներով զբաղվելու համար անհրաժեշտ է ստանալ լիցենզիա։ Օրինակ, դեղերի արտադրություն, դեղատնային գործունեություն, արտարժույթի առուվաճառք, բանկային, վարկային կազմակերպության գործունեություն, կրթական ծրագրերի կազմակերպում, վտանգավոր թափոնների գործածություն, շահումով խաղերի, խաղատների գործունեության և այլն։ Ամբողջական ցանկը նախատեսված է «Լիցենզավորման մասին» ՀՀ օրենքում։ Ովքե՞ր կարող են ստանալ լիցենզիա և ի՞նչ կարգով։
«Ձեր փաստաբանը» հաղորդման հյուրը փաստաբան, կորպորատիվ իրավաբան, արտոնագրված հաշտարար Ավետիք Հարությունյանն է։
