Քաբուլի Արղանդի շրջանում ավտոբուսի շրջվելու հետևանքով 25 մարդ զոհվել է, ևս 27-ը՝ վիրավորվել, չորեքշաբթի օրը հայտնել է Ներքին գործերի նախարարությունը: ՆԳՆ մամուլի խոսնակ մուֆթի Աբդուլ Մաթին Քանեն Pajhwok Afghan News-ին ասել է, որ վթարը տեղի է ունեցել երեքշաբթի գիշերը՝ ժամը 2:00-ի սահմաններում, երբ ավտոբուսը դուրս է եկել ճանապարհից Արղանդիի Բրեդագի հրապարակի մոտ և շրջվել վարորդի անփութության պատճառով:
Անվտանգության ուժերը վիրավորներին տեղափոխել են Մայդան Շահր հիվանդանոց և Քաբուլի մի քանի բուժհաստատություններ:
Նախորդ շաբաթ Հերաթ նահանգում ավտոբուսը բախվել էր բեռնատարին, ինչի պատճառով զոհվել էր 79 մարդ։
