21-րդ դարը ոչ միայն տեխնոլոգիական առաջընթացի, այլև մշակույթի և ինքնադրսևորման դարաշրջան է։ Այս համատեքստում մեծ նշանակություն ունեն երաժշտական և արվեստի դպրոցները։
Այստեղ ձևավորվում են անհատներ, որոնք կարողանում են արտահայտել իրենց հույզերը, արժեքներն ու աշխարհայացքը արվեստի միջոցով։ Դրանք ոչ միայն կրթական հաստատություններ են, այլև հոգևոր կենտրոններ, որտեղ ձևավորվում է մարդու ներաշխարհը։
Երեխայի համար արվեստի հետ շփումը ունի մեծ նշանակություն ինչպես նրա մտավոր, այնպես էլ հոգևոր, սոցիալական և հուզական զարգացման համար։
Երաժշտական և արվեստի դպրոցները կրթական համակարգի անբաժան մաս են։ Դրանք կրթում են ամբողջական անհատներ՝ ոչ միայն գիտելիքներով, այլև հույզերով, մշակույթով ու արժեքներով հարուստ։ Այդ պատճառով անհրաժեշտ է ոչ միայն պահպանել այդ հաստատություններն, այլև զարգացնել՝ ապահովելով որակյալ ուսուցում, նյութատեխնիկական բազա և ուսուցիչների շարունակական զարգացում։
Գեղագիտության և առհասարակ դեպի արվեստ տանող ճանապարհի մեկնակետը գեղարվեստական կրթությունն ու դաստիարակությունն է, որը մեր հանրապետությունում ապահովում են արվեստի և երաժշտական դպրոցները։
Ի՞նչ հիմնարար և ընթացիկ խնդիրների ունեն այս կրթօջախները, որոնք կարող են ազդել թե՛ կրթության որակի, թե՛ ուսանողների ու աշակերտների, և թե՛ ուսուցիչների ստեղծագործական զարգացման վրա։
«Դպրություն» հաղորդման հյուրերն են` Կոնստանտին Սարաջյանի անվան երաժշտական դպրոցի տնօրեն Արմինե Սողոմոնյանը, Ստեփան Ջրբաշյանի անվան երաժշտական դպրոցի տնօրեն Մամիկոն Անդրեասյանը, Ավետ Տերտերյանի անվան արվեստի դպրոցի տնօրեն Արթուր Հովհաննիսյանը:
