Սյունիքի մարզի Սիսիան քաղաքում օգոստոսի 10-ին մեկնարկել է արդեն ավանդական դարձած «Նավասարդ» հայ-իրանական մշակութային-խոհանոցային փառատոնը, հայտնում են Սիսիանի համայնքապետարանից։
Փառատոնը կազմակերպել են Տուրիզմի Հայկական ֆեդերացիան և «Հայ Խոհարարական Ավանդույթների Զարգացման և պահպանման» ՀԿ-ն՝ ՀՀ ԷՆ զբոսաշրջության կոմիտեի աջակցությամբ, ՀՀ Սյունիքի մարզպետարանի, Սիսիանի համայնքապետարանի, ՀՀ-ում ԻԻՀ դեսպանության, Մշակութային կենտրոնի եվ Կապանում Իրանի գլխավոր հյուպատոսության հետ համագործակցությամբ։
Փառատոնին ներկայացված է շուրջ 90 տաղավար, որից 32-ը՝ իրանական կողմից: Փառատոնը կշարունակվի երկու օր։
Փառատոնի այցելուները հնարավորություն ունեն տաղավարներում ծանոթանալու երկու երկրների ազգային խոհանոցի բազմազանությանն ու պատմությանը, իսկ մշակութային և երաժշտական գոտիներում՝ երկու երկրների մշակույթին։
Փառատոնի վերջում կամփոփվեն մրցույթի արդյունքները և կշնորհվեն պարգևներ հաղթողներին։
