Ուկրաինայում պատերազմի ավարտը պետք է արդար լինի, կիրակի՝ օգոստոսի 10-ին, հայտարարել է Ուկրաինայի նախագահ Վլադիմիր Զելենսկին՝ աջակցելով եվրոպական երկրների առաջնորդների համատեղ հայտարարությանը։
«Շնորհակալ եմ բոլոր նրանց, ովքեր Ուկրաինայի հետ են, մեր ժողովրդի հետ՝ Ուկրաինայում խաղաղության համար, որը պաշտպանում է մեր եվրոպական ժողովուրդների կենսական անվտանգության շահերը», — ասել է Զելենսկին։
Օգոստոսի 10-ին եվրոպական երկրների առաջնորդները համատեղ հայտարարություն են տարածել։ Փաստաթուղթը ստորագրել են Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը, Մեծ Բրիտանիայի վարչապետ Քեյր Ստարմերը, Իտալիայի և Լեհաստանի կառավարությունների ղեկավարներ Ջորջիո Մելոնին և Դոնալդ Տուսկը, Ֆինլանդիայի նախագահ Ալեքսանդր Ստուբը և Եվրահանձնաժողովի նախագահ Ուրսուլա ֆոն դեր Լեյենը։
«Մենք կիսում ենք համոզմունքը, որ դիվանագիտական լուծումը պետք է պաշտպանի Ուկրաինայի և Եվրոպայի կենսական անվտանգության շահերը», — ընդգծել են եվրոպացի առաջնորդները։
«Համաձայն ենք, որ այդ կենսական շահերի մեջ է մտնում ամուր և հուսալի անվտանգության երաշխիքների անհրաժեշտությունը, որոնք թույլ կտան Ուկրաինային արդյունավետ պաշտպանել իր ինքնիշխանությունն ու տարածքային ամբողջականությունը», — նշվում է փաստաթղթում։
«Ուկրաինայում խաղաղության ուղին չի կարող որոշվել առանց Ուկրաինայի մասնակցության», — կարծում է Եվրոպան։
Հայտարարությունն արվել է ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի օգոստոսի 15-ին Ալյասկայում կայանալիք գագաթնաժողովից առաջ։
