Օգոստոսի 8-17-ը Գյումրիում տեղի կունենա Gyumri Art Week ժամանակակից արվեստի 4-րդ միջազգային փառատոնը։ Այս տարի այն կրում է «Էկոլոգիա և շրջակա միջավայր» խորագիրը և նվիրված է նշանավոր արվեստագետ Մարկոս Գրիգորյանի ծննդյան 100-ամյակին։
Փառատոնի գեղարվեստական ղեկավար և համադրող Սարգիս Հովհաննիսյանի խոսքով՝ Գրիգորյանի ստեղծագործական ժառանգությունը սերտորեն կապված է բնության, հողի և մշակութային ինքնության թեմաների հետ։ Նրա գործերը շեշտադրում են մարդու և շրջակա միջավայրի խորը փոխկապակցվածությունը։
Կազմակերպիչները նշում են, որ փառատոնի նպատակն է ներկայացնել արվեստը ոչ միայն որպես ինքնարտահայտման միջոց, այլև որպես մշակութային և սոցիալական փոփոխությունների գործիք։
