Միջին եւ փոքր հեռահարության հրթիռների տեղակայման սահմանափակումն այլևս ուժի մեջ չէ. ՌԴ ԱԳՆ

Ռուսաստանի արտգործնախարարությունը հայտարարել է, որ ցամաքում միջին եւ փոքր հեռահարության հրթիռների տեղակայման սահմանափակման պայմանները վերացել են, ուստի ինքն այլեւս միակողմանի մորատորիումը չի պահպանի։

Ըստ Մոսկվայի` «հավաքական Արեւմուտքի քայլերը» սպառնալիք են ստեղծել Ռուսաստանի անվտանգության համար` այդ թվում ռազմավարական մակարդակում։

ԱԳՆ-ը ընդգծում է, որ կոնկրետ միջոցառումները ձեռք կառնվեն` հաշվի առնելով ԱՄՆ-ի և արևմտյան երկրների կողմից միջին եւ փոքր հեռահարության հրթիռների տեղակայման ծավալներն ու միջազգային անվտանգության և ռազմավարական կայունության ընդհանուր զարգացումը։

Ռուսաստանը 2019 թ․ փետրվարին դադարեցրել էր իր մասնակցությունը այս տիպի հրթիռների վերացման պայմանագրին իր մասնակցությունը՝ ի պատասխան ԱՄՆ նախագահ Դոնալդ Թրամփի առաջին վարչակազմի նմանատիպ քայլի։

ԽՍՀՄ եւ ԱՄՆ միջեւ Միջին եւ փոքր հեռահարության հրթիռների վերացման մասին պայմանագիրը ուժի մեջ էր մտել 1988 թվականի հունիսի 1-ին։

2024 թվականի նոյեմբերին Ռուսաստանը ուկրաինական Դնեպր քաղաքն առաջին անգամ հռթիռակոծեց «Օրեշնիկ» միջին հեռահարության հրթիռով։ Ռուսաստանի նախագահի խոսքով` սա այս տիպի հրթիռի նոր մշակումն է, որն արդեն զանգվածային արտադրության մեջ է մտել։