76 տարեկանում մահացել է Black Sabbath խմբի համահիմնադիր, ռոք երաժշտության լեգենդ Օզի Օսբորնը։ Բուռն, արկածներով, խնդիրներով, սադրանքներով լի կյանքի ավարտին heavy metal ժանրի կնքահայր համարվող Օսբորնը մի բան էր ցանկանում՝ ունենալ ևս մեկ ելույթ։ Ցանկությունը կատարվեց մահից 17 օր առաջ՝ «Վերադարձ սկզբին» համերգի ժամանակ, երբ 20 տարվա դադարից հետո լեգենդար խումբը վերամիավորվեց ու վերջին անգամ ամբողջական կազմով ներկայացավ երկրպագուներին։
