Իսրայելի ԱԳ նախարարը ժամանել է Կիեւ. առաջին անգամ` պատերազմի ժամանակ

Իսրայելի ԱԳ նախարար Գիդեոն Սաարը Կիեւում է, հայտնում են Reuters-ը` հղում անելով Ուկրաինայում Իսրայելի դեսպանին, եւ Axiosը։

Axios-ի թղթակից Բարաք Ռավիդը գրել է, որ նախարարը հանդիպելու է Ուկրաինայի նախագահ Զելենսկու եւ իր պաշտոնակից Սիբիգայի հետ։ Թե ինչ են քննարկելու, հայտնի չէ։

Ըստ Axios-ի` Սաարը պատերազմից հետո Ուկրաինա ժամանած իսրայելական ամենաբարձրաստիճան պաշտոնյան է։

Թել Ավիվը դատապարտել է Ռուսաստանին հարձակման համար, սակայն մի միացել արեւմտյան պատժամիջոցներին։ Իսրայելը մարդասիրական օգնություն է ուղարկում Ուկրաինա եւ երբեմն մասնակցում Կիեւի համար ռազմական օգնություն կազմակերպող «Ռամշտայնի խմբի» աշխատանքներին։