Տեխասում տեղի ունեցած ուժեղ ջրհեղեղի հետևանքով առնվազն 78 մարդ է զոհվել, այդ թվում՝ 28 երեխա, հայտնում են իշխանությունները։
Եվս 41 մարդ անհետ կորած է համարվում։ Քեր շրջանի շերիֆը կիրակի երեկոյան լրագրողներին հայտնել է, որ շրջանում մահացածների հաստատված թիվը հասել է 68-ի՝ 40 մեծահասակ և 28 երեխա։
Քեր շրջանի ճամբարը ջրհեղեղի է ենթարկվել, իսկ 10 աղջիկ և նրանց խորհրդատուն անհետ կորած են համարվում։
Տեխասի մի քանի շրջանում հայտարարվել է արտակարգ դրություն։ Շատ ճանապարհներ ավերված են, իսկ հեռախոսագծերը՝ անջատված։
