Նախօրեի սաստիկ պտտահողմը մեծ ավերածություններ է գործել Ապարանում։ Համայնքապետարանը, արտակարգ իրավիճակների ծառայությունները և պատկան մարմինները գործի են անցել՝ գնահատելու վնասները և կազմակերպելու օգնության ու վերականգնման աշխատանքներ։ Ապարանում ու Լուսագյուղում բազմաթիվ են վնասված տանիքներն ու ավտոմեքենաները: Քաղաքում վնասվել են բնակելի շինություններ, խանութներ, տապալվել են ծառեր։ Այս իրավիճակի ամենաուշագրավ կողմը մարդկանց ստացած վնասվածքներն են․ պտտահողմից պոկված թիթեղները մարդկանց վնասել են անգամ հինգերորդ հարկում իրենց տանը գտնվելիս։
