Հակառուսական ակցիաներով ոչնչի չենք հասնի։ Լևոն Սարդարյանի հեղինակային «Առանց տողատակի» հաղորդմանն այդ մասին ասել է ԵՊՀ Միջազգային հարաբերությունների ֆակուլտետի Քաղաքական ինստիտուտների և գործընթացների ամբիոնի վարիչ Գարիկ Քեռյանը։
Լևոն Սարդարյանն ու քաղաքագետը խոսել են հայ-ռուսական հարաբերությունների ներկա վիճակի, Հայաստանում և Հայաստանից դուրս ծավալվող իրողությունների մասին։
Քեռյանի խոսքով՝ ադրբեջանական լրատվամիջոցներն ու հատուկ ծառայությունները շատ լավ են աշխատում, գրանցում են Հայաստանում բոլոր հակառուսական դրսևորումները, ներկայացնում ռուսական կողմին։ Քաղաքագետը պնդում է, որ լինելով ԵԱՏՄ-ում, ՀԱՊԿ-ում, ԱՊՀ-ում, հակառուսական ակցիաներն անթույլատրելի են։
