Ադրբեջանը Պակիստանից ձեռք է բերում չորրորդ սերնդի JF-17 Thunder 40 կործանիչ, ինչը կփոխի ուժերի հարաբերակցությունը Հարավային Կովկասում, հայտնում է Forbes-ը։
Պակիստանի կառավարությունը ուրբաթ X սոցիալական ցանցում է հայտնել Ադրբեջանի հետ 4,6 մլրդ դոլար գործարքի մասին։ Սա Պակիստանի պատմության մեջ ինքնաթիռների արտահանման ամենախոշոր գործարքն է։ JF-17 Thunder-ը Իսլամաբադը մշակել է Չինաստանի հետ համատեղ։
Բաքուն առաջին ինքնաթիռն ստացել է 2024-ը սեպտեմբերին։
RANE ռիսկերի հետախուզության ընկերության վերլուծության տնօրեն Սեմ Լիխտենշտեյնը Forbes-ին հայտնել է, որ այս կործանիչներն ունեն գործառնական սահմանափակումներ հինգերորդ եւ վեցերերոդ սերնդի կործանիչների համեմատությամբ, բայց նաեւ կան առավելություններ։
«Նախեւառաջ, JF-17-ի շահագործումը արեւմտյան եւ ռուսական տարբերակների համեմատ տնտեսապես ավելի շահավետ է։ Դրանց մեծ քանակությամբ ձեռքբերումը Ադրբեջանին հնարավորություն կտա արդիականացնել հին եւ քիչ արդյունավետ խորհրդային արտադրության ինքնաթիռները»,- ասել է Լիխտենշտեյնը։
