Վուչիչի ինքնաթիռը վայրէջք է կատարել Բաքվում՝ Մոսկվա թռչելու թույլտվության բացակայության պատճառով

Սերբիայի նախագահ Ալեքսանդր Վուչիչի ինքնաթիռը վայրէջք է կատարել Բաքվում՝ Ռուսաստանի և Ուկրաինայի միջև ռազմական գործողությունների պատճառով Մոսկվա չվերթը շարունակելու թույլտվության բացակայության պատճառով, հաղորդում է սերբական Tanjug գործակալությունը։

Ալեքսանդր Վուչիչը թռչում էր Մոսկվա՝ ներկա լինելու Կարմիր հրապարակում Հաղթանակի շքերթին։

Ռուսաստանի նախագահի օգնական Յուրի Ուշակովը երեկ հայտնել էր, որ Ռուսաստանի նախագահ Վլադիմիր Պուտինը մայիսի 9-ին երկկողմ բանակցություններ կանցկացնի Սերբիայի նախագահ Ալեքսանդր Վուչիչի հետ։

Մայիսի 9-ին Հաղթանակի շքերթով կնշվի Երկրորդ համաշխարհային պատերազմում ֆաշիզմի դեմ տարած հաղթանակի 80-ամյակը։

Լատվիան և Լիտվան ավելի վաղ արգելել էին Սերբիայի նախագահ Ալեքսանդր Վուչիչի օդանավին թռչել իրենց օդային տարածքով՝ «թռիչքի նպատակի քաղաքական զգայունության» և «տեխնիկական և դիվանագիտական ​​զգայունության» պատճառով։