Պահպանողական քրիստոնեա-դեմոկրատական CDU/CSU դաշինքի թեկնածու Ֆրիդիրխ Մերցն առաջին փուլով կանցլեր՝ կառավարության ղեկավար, չի ընտրվել, հայտնում է DW-ն։
Անհրաժեշտ 316 ձայներից նա հավաքել է 310-ը։ Գերմանիայի Դաշնային Հանրապետության պատմության մեջ սա առաջին դեպքն է, երբ խորհրդարանական մեծամասնության թեկնածուն առաջին փուլով չի ընտրվում։
Բունդեսթագի նիստը քվեարկությունից հետո ընդմիջվել է կուսակցական խորհրդակցությունների նպատակով։
Կրկնակի քվեարկությունը, ըստ Սահմանադրության, կարող է տեղի ունենալ 14 օրվա ընթացքում։
Եթե այս դեպքում Մերցը չստանա խորհրդարանական մեծամասնության՝ Բունդեսթագի 630 պատգամավորներից 316-ի քվեն, ապա երրորդ փուլում ընտրվելու համար նրան բավարար կլինի պարզ մեծամասնության ձայները։
