Ռուսաստանն ու Միացյալ Նահանգները հինգշաբթի՝ ապրիլի 10-ին Աբու Դաբիում բանտարկյալներ են փոխանակել, հաղորդում է The Wall Street Journal-ը՝ վկայակոչելով ԿՀՎ տնօրեն Ջոն Ռաթքլիֆին։
Լրագրողները պարզաբանել են, որ Արթուր Պետրովը, որին ԱՄՆ-ն մեղադրել է Մոսկվային պատժամիջոցները շրջանցելուն օգնելու մեջ, ազատ է արձակվել։
ԱՄՆ պետքարտուղար Մարկո Ռուբիոն հաստատել է, որ ռուսական կողմն ազատ է արձակել Քսենիա Կարելինային, որը Ռուսաստանում 12 տարվա ազատազրկման էր դատապարտվել պետական դավաճանության համար։
«Ամերիկուհի Քսենիա Կարելինան Միացյալ Նահանգներ մեկնող ինքնաթիռում է։ Նա ավելի քան մեկ տարի սխալմամբ ձերբակալված էր Ռուսաստանում, և նախագահ Թրամփը ապահովեց նրա ազատ արձակումը: Միացյալ Նահանգների նախագահը կշարունակի աշխատել բոլոր ամերիկացիների ազատ արձակման համար»,-գրել է Ռուբիոն իր X-ում:
ՌԴ Անվտանգության դաշնային ծառայությունն էլ հաստատել է լուրը եւ հայտնել, որ Արթուր Պետրովն արդեն հայրենիքում է։
American Ksenia Karelina is on a plane back home to the United States.
— Secretary Marco Rubio (@SecRubio) April 10, 2025
She was wrongfully detained by Russia for over a year and President Trump secured her release. @POTUS will continue to work for the release of ALL Americans.
