19 խախտում Գյումրիում, 14 խախտում Փարաքարում․ «Անկախ դիտորդ» դաշինքի դիտարկման արդյունքների ամփոփումն է 14.30-ի դրությամբ։ Դաշինքը 22 դիտորդներով ընտրական գործընթացի շրջիկ դիտարկում է իրականացնում Փարաքար և Գյումրի համայնքներում։
Դանիել Իոաննիսյանի փոխանցմամբ՝ հասցրել են լինել Փարաքարի բոլոր 16 ընտրական տեղամասերում և Գյումրիիի 82 ընտարտաղեամսերից 66-ում։
Արձանագրել են վիճաբանության 4, բաց քվեարակության 3, դիտորդի իրավունքների խախտման 2 դեպք։ Դրանցից մեկով, ի դեպ, «Անկախ դաշինքն» արդեն հանցագործության մասին հաղորդում է ներկայացրել Դատախազություն։
Գրանցել են նաև 6 դեպք տեղամասում գտնվելու իրավունք չունեցող անձի ներկայության, 5-ը Գյումրիում , 1-ը Փարաքարում, վստահված անձի կողմից ընթացակարգային խախտումների 9 դեպք, որոնց կեսը՝ նույն կուսակցության մասնակցությամբ։ Դիտորդներն արձանագրել են նաև վիճաբանութան 4 դեպք, որոնցից 3-ը Գյումրիում։
Թե որքանով են արձանագրված խախտումները կազդեն քվեարկության ընթացքի վրա, Իոաննիսյանն այս պահին դժվարանում է ասել։
