Իրանի փոխնախագահ Ջավադ Զարիֆը հրաժարական է տվել՝ X-ի իր էջում ժողովրդին ուղերձ հղելով։
Ուղերձում Զարիֆը շնորհակալություն է հայտնել Աստծուն՝ իրեն անցած 9 ամիսների ընթացքում ժողովրդին ծառայելու հնարավորություն տալու համար։ Նշել է, որ այդ ընթացքում, հատկապես վերջին 6 ամիսներին, բանթարկվել է բազմաթիվ վիրավորանքների, զրպարտությունների ու սպառնալիքների՝ այդուհանդերձ մնալով իր ծառայության առաքելությանը հավատարիմ։
Նա ընդգծել է, որ երբեք չի խուսափել դժվարություններից՝ հանուն ազգային շահերի, անգամ եթե տարիներ շարունակ՝ պատերազմի ավարտից մինչև միջուկային բանակցությունների վերջնական փուլը, անձամբ ենթարկվել է զրպարտանքների ու հարձակումների։
Իրանի փոխնախագահը հայտնել է, որ դատական իշխանության ղեկավարի առաջարկով որոշել է վերադառնալ համալսարան՝ կառավարության վրա ճնշումները մեղմելու համար։ Նա իր քայլը համարում է ժողովրդի և կառավարության հաջողությանն աջակցելու միջոց։
Զարիֆը երախտագիտություն է հայտնել գործընկերներին ու ժողովրդին՝ մաղթելով նրանց հաջողություն, ներողություն խնդրելով իր թերությունների համար և կրկին վստահեցնելով, որ մնում է ժողովրդի նվիրված ծառա։
سلام بر هم میهنان بزرگوار
— Javad Zarif (@JZarif) March 3, 2025
خداوند بزرگ را سپاسگزارم که در نه ماه گذشته این فرصت را به این خدمتگزار کوچک ارزانی داشت که در جهت تحقق اراده ملت و خدمت به مردم آنچه را در توان داشتم پیشکش کنم. گرچه در شش ماه گذشته با سخیفترین توهینها، افتراها و تهدیدها نسبت به خود و خانوادهام روبرو…
