Փարիզում կայացած գագաթնաժողովում ԵՄ առաջնորդները ցույց տվեցին, որ պատրաստ են իրենց վրա վերցնել Ուկրաինայի անվտանգության երաշխիքների հարցը, հանդիպումից հետո հայտարարել է ՆԱՏՕ-ի գլխավոր քարտուղար Մարկ Ռյուտեն։
«Պատրաստ և պատրաստակամ: Սա իմ եզրակացությունն է Փարիզում կայացած այսօրվա հանդիպումից։ Եվրոպան պատրաստ է և ցանկանում է քայլ անել։ Առաջատար լինել Ուկրաինայի անվտանգության երաշխիքների տրամադրման գործում։ Պատրաստ և պատրաստակամ է շատ ավելին ներդնել մեր անվտանգության համար: Մանրամասները պետք է որոշվեն, բայց պարտավորությունները պարզ են»,- գրել է նա X-ում:
Ready and willing. That’s my take from today’s meeting in Paris. Europe is ready and willing to step up. To lead in providing security guarantees for Ukraine. Ready and willing to invest a lot more in our security. The details will need to be decided but the commitment is clear. pic.twitter.com/Y4ClrX94Qe
— Mark Rutte (@SecGenNATO) February 17, 2025
Նախագահ Մակրոնի նախաձեռնությամբ այսօր Փարիզում արտահերթ նիստ էր գումարվել, որի քննարկման թեման Ուկրաինայում ստեղծված իրավիճակն էր։ Հանդիպմանը մասնակցել են Ֆրանսիայի, Մեծ Բրիտանիայի, Գերմանիայի, Լեհաստանի, Իտալիայի, Իսպանիայի և Դանիայի ղեկավարները, ինչպես նաև ՆԱՏՕ-ի գլխավոր քարտուղար Մարկ Ռյուտեն։
