ԿԲ-ն ավելի ուշադիր կհետեւի հիպոթեքային վարկավորման շուկային

Հայաստանի կենտրոնական բանկը կուժեղացնի հիփոթեքային վարկավորման շուկայում հնարավոր ռիսկերի վերլուծությունը, հայտնում է Տնտեսական լրագրողների ակումբը։

ԿԲ-ն առեւտրային բանկերին առաջարկում է ավելի ուշադիր լինել շինարարության ոլորտում հիփոթեքային վարկավորման ծավալների նկատմամբ։ Նախատեսվում է նաև գնահատել, թե արդյոք բանկերն ավելորդ «ռիսկային ախորժակ» չեն ցուցաբերում՝ ձգտելով շահույթ ստանալ հիփոթեքային բումի ընթացքում։

ԿԲ-ն ցանկանում է նաեւ ուժեղացնել վարկերի վերակառուցման մոնիտորինգը։ Հաճախորդների համար մրցակցության ավելացմանը զուգընթաց, Հայաստանի բանկերում ընդլայնվում է վարկերի մարման ժամանակ բոնուսների (քեշբեքեր, ժամկետների երկարացում, տոկոսադրույքների իջեցում և այլն) պրակտիկան: Այս կերպ բանկերը ոչ միայն փորձում են պահպանել իրենց հաճախորդներին, այլև «խլել» մրցակիցների հաճախորդներին. ԿԲ-ն վերլուծելու է, թե որ դեպքում է հաճախորդներ «տանելը» առողջ շուկայական մրցակցություն, և որ դեպքում բանկերը կարող են թերագնահատել վարկառուների չվճարման ռիսկերը:

2015-2025թթ Հայաստանում հիփոթեքային վարկավորման պորտֆելն աճել է 7 անգամ՝ հասնելով 1 տրլն 423 մլրդ դրամի (ընթացիկ փոխարժեքով՝ մոտ 3 մլրդ 576 մլն դոլար)։