«Մեր ապագան» կրթամշակութային բարեգործական հիմնադրամի նախաձեռնությամբ, Խ.Աբովյանի անվան հայկական պետական մանկավարժական համալսարանի աջակցությամբ ավելի քան 50 ուսուցիչներ Հայաստանի ավելի քան 45 քաղաքներից և գյուղերից Երևանում մասնակցել են «Ռուսերենը որպես օտար լեզու. տեսական և գործնական հիմքեր» անվճար խորացված վերապատրաստման դասընթացին։
Ռուսաց լեզվի անվճար դասընթացների արդյունքները իրականացվում են արդյունավետ և հաջողությամբ։ Այս նախագիծը գործում է արդեն մի քանի տարի, և ամեն տարի ավելի ու ավելի շատ մարդիկ են ցանկանում սովորել ռուսերեն:
Այս նախաձեռնությունը ուսուցիչներին մասնագիտական աճի նոր հնարավորություններ է ընձեռում, նպաստում աշակերտների կրթության և դաստիարակության գործին։
«Դպրություն» հաղորդման հյուրերն են Խաչատուր Աբովյանի անվան հայկական պետական մանկավարժական համալսարանի Ռուսաց լեզվի և դրա դասավանդման մեթոդիկայի ամբիոնի վարիչ, բանասիրական գիտ. թեկնածու, մանկավարժական գիտությունների դոկտոր, պրոֆեսոր Նաիրա Դալյանը և «Մեր ապագան» կրթամշակութային բարեգործական հիմնադրամի գործադիր տնօրեն, տեխնիկական գիտությունների թեկնածու Վահրամ Կարապետյանը։
