Փաստաբանների հարկային բեռի ավելացումը ծանր հետևանքներ է առաջացնելու, առաջին հերթին բնակչության մասով։ Աճելու են իրավաբանական ծախսերը, շոշափելի։ Լևոն Սարդարյանի հեղինակային «Առանց տողատակի» հաղորդմանն այդ մասին ասել է փաստաբան Վահագն Մարտիրոսյանը։
Լևոն Սարդարյանն ու փաստաբանը զրուցում են փաստաբանների գործադուլի, հարկային օրենսգրքում կատարված փոփոխությունների, դրանց հետևանքների մասին։ Մարտիրոսյանի խոսքով, մինչ օրենսդրական փոփոխությունները փաստաբանները հարկվում էին շրջանառության 8 տոկոսի չափով, հիմա վճարելու են թե՛ 20 տոկոս շրջանառության հարկ, թե՛ 8-12 տոկոս շահութահարկ։
