Թուրքիայի Բոլու նահանգի «Քարթալկայա» լեռնադահուկային հանգստավայրում բռնկված հրդեհի հետևանքով զոհերի թիվը հասել է 66-ի, հայտնել է Թուրքիայի ներքին գործերի նախարար Ալի Երլիկայան։
«Ցավոք, ունենք 66 զոհ, 51 վիրավոր», — թուրք նախարարի խոսքը մեջբերում է Haber Global հեռուստաալիքը:
Հրդեհը բռնկվել է երեքշաբթի գիշերը «Քարթալկայա» հյուրանոցի ռեստորանում: Բոլուի նահանգապետ Աբդուլազիզ Այդինի խոսքով՝ հրդեհի պահին հյուրանոցում 234 մարդ է եղել։
