ԱՄՆ օդուժը կշարունակի հարվածները՝ անկախ իսլամիստների սպառնալիքից

Ամերիկյան անօդաչու ինքնաթիռները կշարունակեն Իրաքի հյուսիսում հարվածներ հասցնել «Իսլամական պետություն» խմբավորման դիրքերին, անկախ նրանց, որ ահաբեկիչները սպառնում են սպանել իրենց մոտ գտնվող երկրորդ ամերիկացուն։

Վերջին անգամ 14 հարված է հասցվել Մոսուլի մոտ ռազմավարական ամբարտակի մոտ։ Ամերիկյան օդուժը օգնում է իրաքյան եւ քրդական զորքերին։ ԱՄՆ իշխանությունները հայտարարել են, որ ավիահարվածների հետեւանքով ոչնչացվում են գրոհայինների տեխնիկան եւ այլ նպատակակետեր։